Maudland i Riska

Maudland i Riska

Lars Toresen d. ca.1618
Hetland.
Det var sannsynlegvis Lars som rydda Maudlandsgarden på nytt etter øydetida. Han er nemnt her frå 1604 og til han døydde.
Sidan får me vita at garden var odelen til sonen hans.
I dei eldste odelsjordebøkene er det folk på Hetland1 som er førte som eigarar av garden, og dei har vel vore av same familie som dei på Maudland.
Lars fall frå tidleg og kona hans sat igjen med umyndige barn. Sonen tok ikkje over garden før 1628/29.
Det er nok som verge for dei umyndige barna at jordegodset i Maudland er ført på Guttorm Torsen Hetland1. Han må då ha vore ein nær slektning av Lars, truleg broren (sml Hetland1-3). Samanhengen er vel då at to eldre brørne Guttorm Og Johannes har delt farsgarden på Hetland1, mens den yngre broren Lars slo seg til som rydningsmann her oppe på Maudland. Faren deira var då den Tore Som budde på Hetland1 i 1563.
G. m. Barbra
Etter at mannen var død, sat ho med garden frå 1619 til 1622, og så omigjen i året 1628.
Barn:
a. kanskje ei dotter, g.m. Eirik som dreiv garden nokre år (2).
b. Reidar. f. ca. 1600. Seinare bonde på Maudland (3).



Reidar Larsen f. ca. 1600 d. 1675
Maudland.
Alderen til Reidar er oppgitt svært forskjellig i manntala frå 1660-åra, men sidan han ikkje kom med i gardsdrifte før bortimot 1630, kan me med eit rundt setta fødselsåret hans til ca. 1600.
Fyrste gong han er nemnt er året 1628/29, då han og mora stod for drifta av garden.
Så var han medbrukar i lag med Erik frå 1630, og i 1633 tok han over garden åleine.
G. m. Hallfrid Omundsdatter d. 1675.
Edland i Gjesdal.
Barn:
a. Lars f. ca. 1635 d.1696. Tok over garden (4).
b. Marit. G. m. Johannes, som dreiv Maudlandsgarden ei tid (5).
c. Jorunn. G.1. m. enkjemann Mons Olsen Ravndal i Gjesdal. G.2. m. Jakob Torkellsen Ravndal (Gjesdal g.o.æ. s. 195, nr. 14 og s. 196, nr. 25)
d. Barbra. G. 1689 m. Kristoffer Kristoffersen. Han kjøpte seinare garden av Lars Reidarsen (6).
e. Guri f. ca. 1650 d. 1710, ikkje gift.