Auastad i Etne

 Auastad, Stødle sokn i Etne

Torstein Torgersen  1711 - 1785
Han var kanskje innflyttar austanfrå.
1754: Kjøpte privatgodset i Auastad for 108 rdl. av Nils Tjerandsen og medarvingane hans.
1758: Kjøpte det tidlegare Halsnøy-bruket og la det attåt den jord han alt dreiv.
1758: Han fekk då vitjing av ein slektning av kona, ein fehandlar frå Nummedal, Halvard Knutsen Pipargarden frå Nore. Han fekk arbeid hjå Torstein, men hadde eigentleg kome for å handla med fe. Handelen vart det ingenting av, for han vart innblanda i ei kjedeleg sak med grannekona på Auastad. Halvard hadde eit falsk reisepass og hadde gjort seg skuldig i slagsmål og tilnærmingar mot Kristi Larsdatter og vart dømd til tukthuset. Torstein måtte bøte for å ha hatt ham på garden.
1759: I skiftet etter kona var det verdiar for 189 rdl. og ein buskap på 3 hestar, 2 grisar, 5 kyr, 7 ungdyr og 13 småfe. 8 tønner korn var sådde i jorda.
Men dødsfallet til kona ser ut til å ha stansa han i alle djerve gjeremål. Året etter selde han det store bruket sitt, og saman med ei ny kone som han også henta seg i Uvdal, flytta han som leiglending under domkyrkja i Christiandsand inn på grannebruket på Auastad.
I si leiglendingstid vart han rett som det stevna for gjeld som ikkje vart betalt.
Han døde då også med ei skuld som var det mangedoble av den fattigslege eiga.
- G. m. Ingri Trosdatter  1714 - 1759
Uvdal i Nummedal.
- G.2. m. Birgitta Halvardsdatter
Uvdal i Nummedal.
Barn 1:
a. Trond 1739.
b. Kristi 1748.
c. Ola 1749.
d. Brita 1752. G. m. Erik Sjursen. Rødno.